jeudi 18 février 2016

قصيدة للشّاعر جهاد بن سليمان في مدح البحر

قصيدة للشّاعر جهاد بن سليمان في مدح البحر


يعرفهم مضرب مضرب
من مضرب السفينة للكدمه
من الجبيبنة للحمام و المنشار و راس الطويل 
حتى هوما يعرفوه ما ينسوش
هو يسميهم و يحفظهم
حفرة حفرة
يعرفو كيســـقي
و يعرفو كيهيج
و يعرفو وين باش يقبل
و يعرف وين يرمي
و يعرف وين يركح
و يعرف وين يشوف
*****
موج البحر يسئل عليه
صوت الحمام في المضرب
الشلبى تذنب تستنى فيه
الأقباص حباسه
قطوس الحومة هايم بلاش بيه
و مدرع سيدي منصــــــور حزين مع الموج العالي
قرنيط الحجر و حوت الليل
صــار يجنح
و الصحاب مشات و مستنات
العلامات
و الشرش و البراني
شلوق في اوسو
و فلوكه في مضرب السفينة
ضايعين بلاش بيه
صوت الموتور في الفجاري
و ريحة الحوت مع المغرب
طراحة صفرة تلمع كذهب
خلص خلص معاديش وقت
بيت و ارمي و اصبر
اه يا ليام كان ترجع
كان تعود و ترجع
كان تعيش اكثر
كان تحلم
كان تحن
شعملت ... شعملت يا ***
علاش هاكا ... علاش أنا

Aucun commentaire:

Enregistrer un commentaire